तुम्ही किंवा तुमची/चा पाल्य अपंग असेल तर..

हे जरूर करा

आपला फोन नेहमी आपल्याजवळ ठेवा. त्यातील महत्त्वाचे नंबर पाठ करा किंवा लगेच डायल करता येतील असे ठेवा.
आपल्याला कोणाबद्दल अगोदरच संशय येत असेल, तर आपल्या जवळच्या/विश्वासातल्या व्यक्तीला तुम्हाला जे वाटतंय ते सगळ सांगा.
आपल्या विश्वासातील व्यक्तीसोबत राहा किंवा अशाच व्यक्तींना आपल्या सोबत राहू द्या.
तुमच्यासोबत कोणी हिंसा करत असेल, तर मदतीसाठी आरडाओरडा करा.
तुमच्यासोबत कोणतीही हिंसा/लैंगिक शोषण केले असेल, तर विश्वासातील व्यक्तींना सांगा.
विश्वासातील व्यक्तीला सोबत घेऊन अशा व्यक्तीची पोलीस स्टेशनला जाऊन तक्रार करा, किंवा १०० नंबर वर फोन करून कळवा.
आपल्याला लागणाऱ्या गोष्टी नेहमी आपल्या जवळ ठेवाव्यात. (घरात आणि बाहेर जाताना ही.)
घरातील सोयी-सुविधा आपल्याला वापरायला सोप्या/सहज होतील अशा कराव्यात (उदा. बाथरूम, टॉयलेट, किंवा घरातील इतर रचना.
शक्य/जमत असेल तेवढं स्वावलंबी रहायलाही हवं. मात्र आवश्यक तेंव्हा उपयोगी सपोर्ट सिस्टिम ही असावी
आपल्या तब्येतीची काळजी घेण्यासाठी वेळेत जेवण करा आणि औषधं असतील तर नियमित घ्या आणि डॉक्टरांनी सांगितला असेल तसा व्यायामही करा.
आपल्या आवडीच्या गोष्टीत मन रमवा/छंद जोपासा.
घरात २४ तासासाठी कोणाला मदतीला ठेवायचे असल्यास त्यांचे ओळखपत्र तपासून घ्या. आपल्याजवळ त्यांचे ओळखपत्र, कायमचा पत्ता, दूरध्वनी क्रमांक, भ्रमणध्वनी क्रमांक (मोबाईल नं.) व फोटो ठेवून घ्या.
मानसिक ताण-तणावासाठी समुपदेशकांची मदत घ्या.

हे कधीही करू नका

कोणावरही लगेच विश्वास ठेवू नये आणि त्याच्या सोबत जाऊ/पाठवू नये.
शक्यतो घरात राहताना किंवा बाहेर जाताना एकटे राहू नका.
तुमचा कोणी गैरफायदा घेत/घेतला असेल, तर गप्प बसू नका आणि घाबरू नका.
स्वतःला दोष देऊ नका.
नकारात्मक विचार करू नये.
समाजातील व्यक्ती काय म्हणतील याचा विचार करू नये.
स्वतःच्या जिवावर बेतेल असं काही करू नये / स्वतःचा जीव धोक्यात घालू नये.
स्वतःच्या तब्येतीची हेळसांड करू नये.