एक सर्वसाधारण निरीक्षण असे आहे की पुरुषांचे अपघात रस्त्यावर होतात तर स्त्रियांचे ‘अपघात’ घरात होतात. हे खरंच अपघात असतात का? मनात रुजलेल्या पितृसत्ताक कुटुंब व्यवस्थेमुळे अनेकदा स्त्रियांना, त्यांना होणारा किंवा कोणी देत असलेला त्रास हा कौटुंबिक हिंसा आहे, आपल्यावर होणार अन्याय आहे, गुन्हा आहे आणि त्याबद्दल न्यायालयात दाद मागता येते हे माहितीही नसतं. हे समजण्यासाठी  म्हणून कौटुंबिक हिंसेच्या व्याख्येत कोणकोणत्या घटना येतात हे समजून घेण्यास खालील प्रश्न मदत करतील.