हिंसेविरुद्ध दाद मागण्यासाठी हिंसा म्हणजे काय हे माहीत असणे आवश्यक असते. हिंसा दरवेळी शारीरिक स्वरूपाचीच असते असे नाही. अनेकदा ती अप्रत्यक्षरीत्या वेगवेगळ्या रूपात आपल्या आजूबाजूला सुप्तपणे घडत राहते, आणि ती घडते याची कोणाला जाणीवही होत नाही. जेष्ठ नागरिक बरेचदा अशा सुप्त हिंसेला बळी पडतात. आता आपलं वय झालं, कशाला मुलांच्या संसारात लुडबूड करावी, आपलीच मुले आहेत, होतात चुका अशा दृष्टिकोनातून ज्येष्ठ मंडळी अशा वागणूकीकडे दुर्लक्ष करतात आणि त्रास सहन करत राहतात. पण सन्मानाने जगणे हा प्रत्येकाचाच हक्क आहे आणि तो कोणाकडून हिरावून घेणे हा गुन्हा आहे.

या लेखामध्ये दिलेली प्रश्नावली वापरुन आपल्या किंवा इतर कोणा ज्येष्ठ नागरिकांच्याबाबतीत हिंसा घडते आहे का हे ठरवता येईल. यातून हिंसा समजून घेऊन त्यातून बाहेर पडण्यासाठी मदत मिळवता येईल आणि ज्येष्ठ नागरिक सुरक्षित राहतील.